Kèk bagay ou dwe konnen sou nou

PWOJE NOU YO
FE YON DON

Rezo Pwogram Anivèsè UNEHD (REPA-UNEHD) kreye jou ki te  25 Desanm 2020 epi nou te lanse jou kite 1er janvier 2023. Rezo Pwogram Anivèsè UNEHD se yon gwoup Zanmi, Fanmi ak Kòlèg ki mete tèt yo ansanm pa mwayen kotizasyon chak fwa yo bay pou rive selebre anivèsè youn ak lòt chak jou a rive.

Rezo Pwogram Anivèsè UNEHD (REPA-UNEHD) pa yon sòl, pa yon òganizasyon sosyal ni yon Mityèl non plis. Li se yon Rezo Solidarite nan mitan Ayisyen/Ayisyèn ki ap viv nan peyi entènasyonal kou nasyonal ki chwazi selebre anivèsè youn ak lòt nan lespri pataj, jwa ak Solidarite.

Rezo Pwogram Anivèsè UNEHD (REPA-UNEHD) se yon aktivite Antrèd sosyal ak echanj ki kapab fèt sou plizyè fòm tankou sou fòm senbolik ki genyen pataj foto, flè, souwè ak ve. Li kapab tou pran yon fòm ekonomik kote manb yo mete yon fon kotizasyon pou sa pou distribiye a chak manb lè anivèsè yo rive, Selebrasyon pwogram anivèsè a se yon Mouvman volontè li ye. Sepandan yon manb dwe chwazi, pou li pa rete endiferan, fòm li plis renmen e ki kapab byen mache ak sitsyasyon li pou li fè echanj kado ak yon lòt manb lè anivèsè li.

Objektif Rezo Pwogram Anivèsè UNEHD (REPA-UNEHD) se:

  • Devlope Lespri Solidarite ak pataj nan lanmou youn pou lòt.
  • Transfòme pataj Senbolik jwa ak kado anivèsè ak yon montan pou fè kotizasyon sa tounen reyalite.
  • Reyalize viv ansanm nan pa mwayen yon selebrasyon anyèl nan lajwa kote tout manb Rezo Pwogram Anivèsè UNEHD (REPA-UNEHD) ap rankontre youn ak lòt.

KOMITE REPA-UNEHD

Rezo Pwogram Anivèsè UNEHD (REPA-UNEHD) la ap jere pa mwayen yon komite ki genyen non: Komite Jesyon Selebrasyon Anivèsè (KOJESA). 

KOJESA ap dirije pa senk (5) manb ki se :

Prezidan:
  • Konvoke reyinyon pou planifye aktivite anyèl ak bidjè Rezo Pwogram Anivèsè UNEHD la (REPA-UNEHD).
  • Anime reyinyon KOJESA ak delibere sou desizyon Komite a ap pran. Otorize depans sou lajan kotizasyon manb Rezo Pwogram Anivèsè UNEHD la (REPA-UNEHD).
  • Otorize entegrasyon nouvo manb nan Rezo Pwogram Anivèsè UNEHD (REPA-UNEHD).
  • Siyen pwosè vèbal reyinyon ak tout dosye administrasyon, jesyon KOJESA yo.
GADE PLIS

Sekretè Jeneral:

  • Asiste Prezidan an nan reyinyon li yo kòm manb ki ap distribiye la pawòl.
    ➢ Redije pwosè vèbal reyinyon Òdinè oubyen Ekstrawodinè yo.
    ➢ Resevwa dosye nouvo manb ak kominike yo bay Prezidan an.
    ➢ Fè mesaj rapèl ak tout fetan mwa yo epi sou dwa kotizasyon yo.
    ➢ Konsève tout achiv KOJESA a genyen.
    ➢ Siyen ak Prezidan an pwosè vèbal reyinyon Òdinè oubyen Ekstrawodinè yo ak tout dosye administratif KOJESA.

GADE PLIS

Responsab Trezò:
  • Prepare bidjè kotizasyon mansyèl ak anyèl manb Rezo Pwogram Anivèsè UNEHD yo (REPA-UNEHD).
  • Prepare bidjè selebrasyon anyèl manb Rezo Pwogram Anivèsè UNEHD la (REPA-UNEHD).
  • Resevwa montan kotizasyon manb yo.
  • Dedwi taks obligatwa ak penalite sou reta pèman kotizasyon manb yo.
  • Prezante rapò kotizasyon mansyèl manb yo ak rapò depans aktivite selebrasyon anyèl Rezo Pwogram Anivèsè UNEHD (REPA-UNEHD).
  • Siyen avèk Prezidan an Rapò depans mansyèl ak anyèl Rezo Pwogram Anivèsè UNEHD (REPA-UNEHD)
  •  
GADE PLIS

Pòt Pawòl:
  • Reprezante Prezidan an ak Sekretè jeneral la pou pote mesaj nan bouch oubyen ekri.
  • Asiste Sekretè jeneral la nan divès fòm kominikasyon li yo.
  • Pran la pawòl an piblik nan non Komite Jesyon ak Selebrasyon Anivèsè (KOJESA).
  • Dirije la pawòl tankou mèt seremoni lè genyen selebrasyon anyèl Rezo Pwogram Anivèsè UNEHD (REPA-UNEHD)
  •  
GADE PLIS

Konseye Jeneral:
  • Bay konsèy sou tout desizyon KOJESA ap pran nan non Rezo Pwogram Anivèsè UNEHD (REPA- UNEHD).
  • Veye sou bon jesyon KOJESA epi fè rekòmandasyon sou fay li wè ki genyen.
  • Jwe wòl abit lè genyen bouch louvri swa ant manb KOJESA oubyen ant KOJESA ak rès Manb Rezo Pwogram Anivèsè UNEHD (REPA-UNEHD).
  •  
GADE PLIS